Thoo Kim Seng

នាយកប្រតិបត្តិ លោក Thoo គឺជានាយកប្រតិបត្តិ ប្រកបដោយបទពិសោធន៍ និងចំណេះដឹងយ៉ាងទូលំទូលាយ ក្នុងវិស័យសេវាកម្មហិរញ្ញវត្ថុជាង ៣១ ឆ្នាំមកហើយ។ បទពិសោធន៍របស់លោករួមមាន ការអភិវឌ្ឍអាជីវកម្ម ការលក់និងទីផ្សារ ការផ្តល់ប្រាក់កម្ចី និងសំខាន់បំផុតនៅក្នុងគម្រោងលំនៅដ្ឋានដែលមានតំលៃសមរម្យ និងការគ្រប់គ្រងហិរញ្ញប្បទាននៅប្រទេសម៉ាឡេស៊ី។ លោក Thoo បញ្ចប់ថ្នាក់អនុបណ្ឌិតរដ្ឋបាលអាជីវកម្ម (គ្រប់គ្រងទីផ្សារ) និងត្រូវបានទទួលស្គាល់ជាអ្នកជំនាញឥណទានអាជីព (CCP) ពីវិទ្យាស្ថាន Asia Institute of Chartered Bankers (អតីត Institute Bank-Bank Malaysia) ឆ្នាំ ២០០៤។ លោកមានបទពិសោធន៍ផ្នែកឥណទានយ៉ាងច្រើន ហើយក៏ជាអ្នកសម្របសម្រួល ដែលទទួលបានការទទួលស្គាល់លើការវាយតម្លៃជំនាញឥណទាន ដោយ OMEGA Performance សហរដ្ឋអាមេរិក និងទទួលបានសញ្ញាប័ត្រជាគ្រូបង្វឹកវិជ្ជាជីវៈអាជីព ពីសមាគម Cambridge Association of Managers។

Chua Thiam Yew

នាយកប្រតិបត្តិរង លោក Chua ជានាយកប្រតិបត្តិរង ដែលមានបទពិសោធន៍ជាង ១៨ ឆ្នាំ ផ្នែកហិរញ្ញវត្ថុជាមួយធនាគារឈានមុខគេនៅប្រទេសម៉ាឡេស៊ី ជាមួយនឹងបទពិសោធន៍ ក្នុងគម្រោងលំនៅដ្ឋានដែលមានតម្លៃសមរម្យ និងសេវាហិរញ្ញប្បទាននៅម៉ាឡេស៊ី និងសាជីវកម្មអន្តរជាតិល្បីៗ ដទៃទៀត។ លោកក៏មានបទពិសោធន៍ការគ្រប់គ្រងហិរញ្ញវត្ថុ និងផែនការអាជីវកម្មផងដែរ។ លោកបានបញ្ចប់ការសិក្សាពីសមាគមន៍គណនេយ្យករជំនាញ (ACCA) មកពីចក្រភពអង់គ្លេស។ លោកក៏ទទួលបានសញ្ញាប័ត្រអនុបណ្ឌិតរដ្ឋបាលអាជីវកម្ម ពីសាកលវិទ្យាល័យមែលប៊ន ប្រទេសអូស្ត្រាលី។ គាត់ក៏ជាបុគ្គលិកជំនាញទទួលស្គាល់ដោយវិទ្យាស្ថាន OMEGA ជាមួយបទពិសោធន៍យ៉ាងទូលំទូលាយខាងផ្នែកឥណទានផងដែរ ។

Svay Pisal

នាយកផ្នែកប្រតិបត្តិការ លោក ពិសាល ជានាយកផ្នែកប្រតិបត្តិការ ទទួលបន្ទុកប្រតិបត្តិការទូទៅរបស់ធនាគារ។ គាត់គឺជាសមាជិកគណៈគ្រប់គ្រងជាន់ខ្ពស់មួយរូប ដែលបានចូលរួមជាមួយ ធនាគារ អេ ភី ឌី ចាប់តាំងពីថ្ងៃដំបូងនៃប្រតិបត្តិការ នៅខែមិថុនាឆ្នាំ ២០១៦ ក្នុងនាមជានាយកផ្នែកប្រតិបត្តិការតែម្ដង។ ដោយមានអាជីពក្នុងវិស័យធនាគារ លោក ពិសាល បានឆ្លងកាត់តួនាទី និងការទទួលខុសត្រូវផ្សេងៗគ្នា ចាប់ពីថ្នាក់ក្រោមរហូតដល់ថ្នាក់គ្រប់គ្រង រួមមានសេវាកម្មអតិថិជន ការលក់ និងទីផ្សារ ប្រតិបត្តិការប្រាក់កម្ចី/សេវាឥណទាន និងការគ្រប់គ្រងសាខា។ លោកបានចាប់ផ្តើមការងារដំបូងនៅធនាគារក្នុងឆ្នាំ ២០០៥ ជាបុគ្គលិកមួយរូប ក្នុងនាយកដ្ឋានអាជីវកម្មបណ្ណឥណទាន ជាមួយធនាគារក្នុងស្រុកមួយ។ លុះចុងឆ្នាំ ២០០៥ លោកបានផ្លាស់ប្តូរទៅជាធនាគារឈានមុខគេមួយ របស់ប្រទេសម៉ាឡេស៊ី ក្នុងនាមជាអ្នកប្រឹក្សាសេវាកម្មបណ្ណ និងអនុម័តប្រតិបត្តការ នៃនាយកដ្ឋានអាជីវកម្មបណ្ណឥណទាន នៅក្នុងការិយាល័យកណ្តាល ហើយក្រោយមកត្រូវបានតំឡើងឋានៈជាប្រធានសាខានៅឆ្នាំ ២០០៩។ លោកបានប្តូរទៅធ្វើការក្នុងធនាគារម៉ាឡេស៊ីមួយទៀតនៅឆ្នាំ ២០១៥ ក្នុងមុខតំណែងជាប្រធានសាខាការិយាល័យកណ្តាល។ លោកបានបញ្ចប់បរិញ្ញាបត្រផ្នែកគ្រប់គ្រងពីសាកលវិទ្យាល័យជាតិគ្រប់គ្រង (NUM) រាជធានីភ្នំពេញ។ លោកទទួលបានអនុបណ្ឌិតហិរញ្ញវត្ថុ ពីសាកលវិទ្យាល័យដដែលនេះ។

Ung Kongheng

នាយកផ្នែកយុទ្ធសាស្ត្រ និងផែនការ លោក គង់ហេង ជានាយកផ្នែកយុទ្ធសាស្ត្រ និងផែនការ ទទួលបន្ទុកក្នុងការផ្ដួតផ្ដើមបង្កើតផលិតផល និងយុទ្ធសាស្ត្រអាជីវកម្ម ដើម្បីបង្កើន ធុរកិច្ច និងប្រតិបត្តិការធនាគារ។ គាត់បានចូលរួមជាមួយធនាគារ អេភីឌី នៅឆ្នាំ ២០២០។ គាត់មានបទពិសោធន៍សរុបជាង ១៥ ឆ្នាំនៅក្នុងវិស័យធនាគារបានឆ្លងកាត់តួនាទី និងការទទួលខុសត្រូវផ្សេងៗគ្នា ចាប់ពីថ្នាក់ក្រោមរហូតដល់ថ្នាក់គ្រប់គ្រង។ លោកបានចាប់ផ្តើមការងារដំបូងរបស់លោកនៅធនាគារក្នុងឆ្នាំ ២០០៥ ជាបុគ្គលិកមួយរូប ក្នុងនាយកដ្ឋានអាជីវកម្មបណ្ណឥណទាន ជាមួយធនាគារក្នុងស្រុកមួយ។ ក្នុងឆ្នាំ ២០០៦ លោកបានផ្លាស់ទៅធនាគារឈានមុខគេមួយរបស់ប្រទេសម៉ាឡេស៊ី ក្នុងនាមជាអ្នកប្រឹក្សាសេវាកម្មបណ្ណ និងអនុម័តប្រតិបត្តការ នៃនាយកដ្ឋានអាជីវកម្មបណ្ណឥណទាន នៅក្នុងការិយាល័យកណ្តាល ហើយក្រោយមកត្រូវបានតំឡើងឋានៈជាអនុប្រធានផ្នែក។ លុះដល់ឆ្នាំ ២០១៤ លោកត្រូវបានគេចាត់តាំងឱ្យទៅធ្វើការនៅសាខាក្រៅប្រទេសនៅឯប្រទេសឡាវ ក្នុងឋានៈជាប្រធាននាយកដ្ឋានអាជីវកម្មបណ្ណឥណទាន ទទួលបន្ទុក ផ្នែកបណ្ណ និងសេវាធនាគារតាមអ៊ីនធឺណិត។ នៅឆ្នាំ ២០១៩ លោកបានត្រឡប់មកប្រទេសកម្ពុជាវិញ ហើយបានចូលរួមជាមួយធនាគារម៉ាឡេស៊ីមួយផ្សេងទៀត ក្នុងនាមជាប្រធានគ្រប់គ្រងអាជីវកម្ម និងប្រតិបត្តិការ។ លោកបានបញ្ចប់បរិញ្ញាបត្រផ្នែកធនាគារ និងហិរញ្ញវត្ថុពីសាកលវិទ្យាល័យមេគង្គកម្ពុជា (ភ្នំពេញ) និងអនុបណ្ឌិតរដ្ឋបាលពាណិជ្ជកម្មពីសាកលវិទ្យាល័យដដែលនេះ។

Chheu Tech

នាយកផ្នែកហិរញ្ញវត្ថុ និងគណនេយ្យ លោក តេច ជានាយកផ្នែកហិរញ្ញវត្ថុ និងរតនាគារ ទទួលខុសត្រូវក្នុងការធ្វើផែនការ ប្រតិបត្តិការគ្រប់គ្រងហិរញ្ញវត្ថុ និងប្រតិបត្តិការគណនេយ្យទាំងអស់របស់ធនាគារ។ គាត់គឺជាសមាជិកគណៈគ្រប់គ្រងជាន់ខ្ពស់មួយរូប ដែលបានចូលរួមជាមួយ ធនាគារ អេភីឌី តាំងពីឆ្នាំ ២០១៧ ក្នុងនាមជានាយកផ្នែកសវនកម្មផ្ទៃក្នុង។ មុនពេលចូលកាន់តំណែងបច្ចុប្បន្ន លោក តេច បានធ្វើការឱ្យក្រុមហ៊ុនសវនកម្មអន្តរជាតិធំមួយក្នុងចំណោមក្រុមហ៊ុនសវនកម្មអន្តរជាតិធំៗ ៤ អស់រយៈពេល ៣ ឆ្នាំ ដែលតំណែងចុងក្រោយរបស់លោកជាសវនករជាន់ខ្ពស់។ លោកធ្លាប់បានធ្វើសវនកម្មនៅក្នុងវិស័យផ្សេងៗគ្នាដូចជា ធនាគារ មីក្រូហិរញ្ញវត្ថុ ធានារ៉ាប់រង រោងចក្រ ក្រុមហ៊ុន និងអង្គការក្រៅរដ្ឋាភិបាល។ លោក តេច គឺជាសមាជិកនៃសមាគមគណនេយ្យករជំនាញដែលមានមូលដ្ឋាននៅចក្រភពអង់គ្លេស។ លោកក៏ទទួលបានបរិញ្ញាបត្រហិរញ្ញវត្ថុ និងធនាគារ ពីសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច និងបរិញ្ញាបត្រអប់រំ ពីវិទ្យាស្ថានភាសាបរទេស (IFL)។

របាយការណ៍ហិរញ្ញវត្ថុ ប្រចាំឆ្នាំ ២០១៩

(អង់គ្លេស និង ខ្មែរ)

របាយការណ៍ហិរញ្ញវត្ថុ ប្រចាំឆ្នាំ ២០១៨

(អង់គ្លេស និង ខ្មែរ)

របាយការណ៍ហិរញ្ញវត្ថុ ប្រចាំឆ្នាំ ២០១៧

(អង់គ្លេស និង ខ្មែរ)

របាយការណ៍ហិរញ្ញវត្ថុ ប្រចាំឆ្នាំ ២០១៦

(អង់គ្លេស និង ខ្មែរ)